Konter-U13精英隊:U13青少年乙組聯賽 對 花花 及 浩運

U13 乙組聯賽
Vs 龍門 0:2
Vs 浩運 2:4

 

對上兩週賽事均以兩球落敗,言而亦有不少相似地方。當中以後場受壓未能組織上前場最為明顯,亦是導致失球主要原因。

球季尚剩餘半季,球隊必須改善受壓下組織方可改善成績。要改善地方如下:

1. 傳球及第一控球的速度
2. 無球走位的配合
3. 長傳球的能力
4. 守門員轉向及長傳球能力

看似簡單的要點,但要在壓迫下做得到,球員必須認真練習,不論防守及進攻均要以全力以赴。我深信每次改善一點缺點,終會令到球隊繼續進步。比賽輸了可以失望,但絕不可以氣餒,反之應更著手改善問題,力求進步
,同自己說次循環就不要輸給他們吧!

#konterfa #konterfootballacademy #kfa

Konter情報站: Konter聖誕節BBQ大食會2018

23/12/2018

一年一度既Konter聖誕節BBQ大食會,今年繼續係太子警察遊樂會同大家共歡喜去迎接呢個美好假期。

雖然天公不做美,一直下著雨,但都無損各位大小朋友的雅興,可以話係雨中作樂。哈哈😄

最後各位球員代表Konter 同大家預祝聖誕節快樂,好好享受呢個普天同慶的日子。

#konterfa #konterfootballacademy #KFA @ 太子警察遊樂會

Konter-U11精英隊:U11「足球小將坊」挑戰盃

22/12/2018

今天冬至日,konter U11精英隊係同屋企人做節之前都積極參與由「足球小將坊」舉辦的聖誕節挑戰盃。是次為6人賽事,剛sir希望各位球員有一定比賽經驗累積,所以每位球員都可以有較長的參與時間。

剛sir:「其實小朋友的比賽賽果不是最重要的事,作為球會,作為教練,係青少年的層面更加要多注重佢地係比賽中的細節。意思係球員有否做到平日練習時的內容,再者從比賽中做得好的地方,加而強化;比賽中做得不足時,再加而改善。先係參與比賽的意義。

希望可以做到一個良好system ,”Match – Training -Match”」

U10賽事中konter奪得冠軍之外,隊中球員更加得到最佳中場及最佳守門員獎項。

#konterfa #konterfootballacademy #KFA

 

Konter興趣班:U6 Sphere回歸足球邀請賽

2/7/2018

由Sphere足球學校主辦既回歸比賽,konter派出一班u6興趣班小朋友去參與。今次多得Sphere的邀請先可以比興趣班的小學員大顯身手,亦都提供一個機會去了解小學員有否於比賽中用於練習時所好。

當然剛sir對於個別學員的表現心感滿意,希望其他小學員繼續努力訓練,可以下一次比賽發揮更好!

Konter情報站: U8 Nike5 五人足球比賽(決賽週)

賽後感言

Konter U8 Nike 5
7/4/2018

終於有時間整理一下呢班Konter U8 BB 係 2018年既Nike 5表現啦。

老實講,真係喜出望外。大部分從興趣班提升的 2011-2012出生組成的 U8 BB都好多連什麼是比賽都唔清楚既情況下可以進身到決賽週,的確難能可貴。
而當然同其他隊伍的確存在一定的距離,但另外一個角度係可以係可以參加大型既比賽去體驗,去參與先係真正要成長既養份。再者,今次教練團都發覺有個別球員經歷了呢個大賽之後,係心態同能力都大有進步。相信呢個正正就係Konter要朝著一個重要方向。
希望小朋友可以從失敗中學習,再接再厲去挑戰。
先係走向成功的關鍵。

#kfa #konterfa #kontetfootballacademy @ 麥花臣足球場

Konter情報站: U14 Nike5 五人足球比賽

24/3/2018

今日終於到Konter u-13班大師兄係Nike 5五人賽賽事出場。小組三隊之一只有一個出線名額,所以兩場小組比賽都不容有失。

球隊首場賽事已五比一勝出,雖然第二場比賽以二比二同對手打和。但最後以較差得失球數字而未能晉身第二圈,個別球員對結果感到非常失望,更流下男兒淚。

剛sir稱:「雖然球隊目標以11人比賽為主,但都會透過五人足球來提升個人技術。不過眼看個別球員存在心態及爭勝心的距離,意思係落場時的投入及專注。所以希望盡快要改善呢一個問題!長遠發展的話,球員的態度會好影響佢哋將來係足球場上的發展。希望參賽球員可以引以為鑑而今次五人賽的經驗來提醒自己是否在每一次比賽、練習、友誼賽都付出百分百的努力嗎?」

#kfa #konterfa #konterfootballacademy @ 長沙灣遊樂場

Konter情報站: 剛Sir接受東網體育專訪

【港超專版‧老兵打不死】理文中場●「肥剛」陳銘剛

「一隊波當中大家都喺同一個層面去睇同一件事,唔好因為我年紀大啲經驗多啲,就要信我嗰套。我反而想同佢哋一齊搵個更好嘅方法,睇吓點樣令件事做得更好。當然個人經驗係會分享,譬如話我睇到啲嘢,我會用分享多過教導嘅角度帶出嚟,件事要佢哋自己分析。我覺得每個年代嘅球員都有自己唔同嘅優勢,呢班青年球員其實好有活力,亦夠膽識。」

「點解要繼續踢落去呢? 因為我想自己做好榜樣,當決定行教練呢條路,就要以身作則,無論我係一個乜嘢球員都好,只要仲有機會,一定會繼續努力。」

http://hk.on.cc/hk/bkn/cnt/sport/20180324/bkn-20180324223647291-0324_00882_001.html

 

 

Konter情報站: U8 Nike5 五人足球比賽

11/3/2018

除左一班大師兄成日有比賽之外
Konter BB又點可以少左佢地份呢!🤣🤣 係一個陽光普照既星期日,要一班唔夠8歲既小朋友去參加全港最大型既5人足球比賽真係機會難得。小編賽前都諗住呢班🐒🐒仔應該會比周邊既氣氛嚇親而影響表現,但點知連剛sir都要比個服字呢班小朋友。每一個u8球員落場都好似獅子出籠咁,個個都係場上不停既跑動同爭取皮球。

當然咁細年紀既小朋友參賽,剛sir賽前都會以透過參與大型比賽去增加小球員既足球經驗作目標。但誰不知,可能有幸運女神眷顧,兩場小組比賽都順利勝出,更加可以參與4月份係旺角舉行既決賽週。

所以賽後剛sir都話收哂貨啦:「每行多一場都係bonus,係因為可以比多一個機會佢地去見識多一點。」 雖然係意料之外,但剛sir都希望來緊都會幫小朋友加操,盡量去努力練習去應付之後既比賽。

剛sir 最後總結話:「其實除左小朋友見識之外,相信家長都同各小朋友於比賽結束後一起成長同經歷,所以除左勝負外,體驗過程更為重要!」

#kfa #konterfa #konterfootballacademy @ 康寧道足球球場

Konter情報站: 1月份 Konter-U8 傑志單日聯賽

21/1/2018

Konter派出U8 BB參加1月21日上午在傑志中心舉行之青少年單日聯賽

雖然在首場比賽戰敗,但一眾小球員很快便收拾心情,在餘下兩場分組賽勝出,並進入該項賽事之季軍賽。在季軍戰上、下半場都不敵對手,最終以殿軍完成賽事。

小編睇完班咁可愛小朋友當然要捉住達sir問下班🐵🐵表現如何先!

「今次是Konter首次派U8的球員參與這項7人足球賽事,所以在人數較多及場地較大之情況下,看到大部分球員都需要時間適應,往往在傳球的力度,支援之距離及搶截時機都未能掌握,但透過一場又一場的比賽,教練都看到球員有所調整,但可以再做得更好,所以希望在日後之訓練能繼續幫助球員去改善,亦希望各位小球員繼續努力。」

#kfa #konterfa #konterfootballacademy

Konter情報站: U12大埔5人足球挑戰賽

1/1/2018

黎到第三天既大埔5人足球挑戰賽,konter繼續派出隊伍參賽。雖然今天是元旦日,但班小隊隊員精神飽滿通場飛。最後只得盃賽亞軍,但張sir賽後有少少意見:

教練團經過賽前商討,覺得是時候讓球員多點自行思考如何作賽!所以教練團只是在賽前簡略地說出如何部署,以及在完場後提出各球員有什麼地方可以處理得更好。因此教練團在球賽進行中時都只是坐著觀戰、負責輪換球員及鼓勵球員積極嘗試,並無干預及指揮球員如何作賽!

說回球員於整日賽事的表現,
主要都是心態上不夠積極,當失去控球權時沒有即時拼搶;
進攻上的變化不大,好多時都集中在一邊進攻,沒有觀察轉邊的可行性;支援速度及角度不足;回防速度緩慢與及防守時出腳準繩度不高,往往反倒被對手搓過;身體對抗性低,就算面對身型差不多的對手都顯得有點輸蝕

但值得一讚是球員們於決賽上的那份鬥志並無因對方全是代表隊而顯得怯懦龜縮,反而很有火地全力與對手力拼,最終並能在對方身上取得兩個入球。

希望球員們能夠一直保持著那團火,無論練習或比賽時都能高度集中、積極!

#kfa #konterfa #konterfootballacademy @ 天后宮風水球場